LAW ⵣ

O Tolo Que Conta Os Días é unha cumbia galega con tintes reggae, feita para bailar cun nó no peito. É unha canción que celebra o amor máis intenso, pero tamén fala das sombras que o acompañan. Cun ton festivo e sabor a verán, O Tolo Que Conta Os Días captura a paixón propia dos ritmos latinos.

LETRA:

Hai un monstro que se agocha
Pacientemente detrás de ti
Mentres eu choro, no teu ombreiro,
A donicela estase a rir

Non teño casa sen o teu peito
Non teño medo cando estás ti
Non teño xeito de convencerte
De que ninguén me fixera sentir así

Ti es o tolo que conta os días
Eu son a loira perfecta para ti
E se por sempre eu quedo durmida
Que ninguén me esperte se estou xunto a ti

Ti es o tolo que conta os días
Eu son a loira perfecta para ti
E se por sempre eu quedo durmida
Que ninguén me esperte se estou xunto a ti

Temo que volvas coa túa besta
E te sorprenda non verme aquí
E que comprendas cando xa é tarde
Que ela foi a que me consumiu a min

Non teño casa sen o teu peito
Non teño medo cando estás ti
Non teño xeito de convencerte
De que ninguén me fixera sentir así

Ti es o tolo que conta os días
Eu son a loira perfecta para ti
E se por sempre eu quedo durmida
Que ninguén me esperte se estou xunto a ti

Ti es o tolo que conta os días
Eu son a loira perfecta para ti
E se por sempre eu quedo durmida
Que ninguén me esperte se estou xunto a ti

E se pensas que ás veces dubido
Hai algo que debes saber
Non hai cousa neste mundo que faga
Que eu poida deixarte de querer