Rubén Novo
Bo día!
Achego nota de prensa relacionada coa situación actual da parcela número 2 da Maestranza que, como sabedes, está xudicializada,
Un cordial saúdo.
Ricardo Vales
PREME NA LIGAZÓN
DEFENSA DO COMÚN ADVIRTE AO GOBERNO LOCAL DE QUE A PASIVIDADE NA RESOLUCIÓN
DUN RECURSO DE LIPROMO (PARCELA P2 NA MAESTRANZA) PODE DERIVAR EN GRAVES
PERXUIZOS E RESPONSABILIDADES.
—
Defensa do Común presentou hoxe un escito solicitando que o goberno local resolva un recurso de
Lipromo contra da condición de eficacia da licenza de obras.
—
Lipromo presentou solicitude de suspensión cautelar de dita condición, e dado que o goberno local
non resolveu en prazo, está suspendida, co cal a promotora podería comezar as obras.
—
Tanto o Estudo de Detalle como a licenza de obras foron obxecto de recurso por DDC, estando
pendiente de sentenza polo TSXG o referido ao Estudo de Detalle.
—
Defensa do Común (DDC) presentou hoxe un escrito no Concello instando ao goberno local a que
resolva canto antes o recurso de reposición que a promotora Lipromo presentou o pasado
05/09/2025 contra da condición de eficacia diferida da licenza de obras nunha das parcelas da
Maestranza.
—
Dito recurso de reposición foi coñecido agora por DDC, á vista do expediente remitido polo
Tribunal de instancia 1, no procedemento contencioso interposto por DDC contra dita licenza.
—
DDC lembra ao respecto que cando o goberno local outorgou a licenza de obras a Lipromo puxo o
condicionante seguinte :
“
Esta licenza concédese sobre o proxecto básico, coa súa eficacia diferida a que
se presente, e verifique, e o proxecto de execución que o desenvolva, co preceptivo visado colexial, que se
achegará co modelo de comunicación municipal oficial, e a documentación completa que se relaciona neste,
e a notificación das resolucións xudiciais relativas ao proceso contencioso administrativo que se sigue
respecto do Estudo de detalle parcela 2 PERI A Maestranza, aprobado definitivamente polo Pleno municipal
na súa sesión do 14-12-2023, publicado no DOGA 08-01-2024, BOP do 08-02-2024, e incorporado ao
Rexistro de planeamento o 05-02-2024, que non foi suspendido nin en vía administrativa nin en vía
xurisdicional”.
—
Dito condicionante tiña a evidente finalidade cautelar de evitar que a promotora executase as obras
mentres o TSXG non se pronunciase contra do Estudo da detalle (nun contencioso que xa está rematado,
unicamente pendiente de sentenza), dado que se o TSXG anula dito instrumento de planeamento, iso
suporía a anulación da licenza (que tamén foi obxecto de recurso contencioso por DDC), coa correlativa
obriga de demolición das obras construídas ao seu amparo.
—
No recurso de reposición interposto por Lipromo contra dito condicionante solicitouse a suspensión do
mesmo, e dado que transcurríu o prazo dun mes sen resolver, dito condicionante pode entenderse como
suspendido (en aplicación do art. 117.3 da Lei 39/2015) , co cal Lipromo podería executar as obras.
—
No escrito presentado hoxe por DDC advírtese dos graves perxuizos (para os compradores das vivendas
como do propio Concello) que poderían derivarse pola pasividade e inacción municipais ao non resolver o
recurso de Lipromo, moito mais cando a promotora xa está en fase de comercialización publicitaria de
venda das vivendas nunha web propia e en portais inmobiliarios (nos que mesmo se publicita o inicio das obras para finais deste mes).
—
A Coruña, 18 marzo de 2026
Defensa do Común