-20.35h do 20 de febreiro: chegada do voo de Madrid a Tel Aviv.

-20.55h: paso do control de fronteiras con dous eurodeputados socialistas. A César Luena deixano pasar, a Nicolás González Casares non e pidennos a ambos que pasemos a outro recinto. Corenta minutos despois deixano pasar. A min dinme que non podo e que deben consultar co Ministerio de Exteriores de Israel. Explico que son eurodeputada, que estou en misión oficial…nada lles importa.

-21.55h: empezan as chamadas oficiais con preocupación. Os responsables da Delegación de Relacións de Palestina do PE, a Delegación da UE en Xerusalén..Aviso á Executiva Nacional do BNG de que pode haber problemas.

-00.35h: Sigo agardando nun espazo cheo de xente que leva tamén horas agardando para entrar. Chaman do Gabinete da Presidenta do Parlamento Europeo moi preocupados pola situación.

-2.35h: mandánme pasar a unha oficina e con moi malas maneiras e falla de respeito e arrogancia mandándome calar e preguntando que era o Parlamento Europeo e acusándome de participar na Flotilla,

comunican que o Ministerio de Interior non autoriza a entrada. Entre por Palestina,berra a policía con bulra!

-3.35h: periplo polo aeroporto en varias instancias de control e check in para mandarme no primeiro avión a Madrid que sae ás 6.15h

Estou indignada, apenada e considero que esta afrenta diplomática ten que ser denunciada. Porque non é comigo, é con un membro eleito do Parlamento Europeo. Fanme pagar o prezo de vir na Flotilla, o prezo de defender os Dereitos Humanos do Pobo palestino e de denunciar a política de apartheid que practica Israel, o.prezo de denunciar os asesinatos, as detencións arbitrarias, os asentamentos e as demolicións de escolas e casas das e dos palestinos….

Prometin que voltaria a Palestina e estaba segura que esta vez, como eurodeputada, entraría. De feito, en Bruxelas deron a autorización oficial. Non se entende nada e precisamos explicacións e denuncia.. Non puido ser tampouco esta vez.

Son as 04h e esto moi cansa, sen dormir, acabo de por fin xantar algo e agora agardando o voo, é profundamente inxusto. Israel non perdoa. Mais a min non me dan medo e seguiremos apoiando ao Pobo Palestino. Enviaremos nota de prensa de denuncia do BNG nas primeiras horas da mañá.