Rubén Novo
Xesús Rábade Paredes.
https://www.facebook.com/xesus.rabadeparedes.7
Día de flores
e ano de espiñas
non son amores.
…………………………………….
Nai e muller.
A vida deume
ouro a escoller.
……………………………………………………..
As lapas do fascismo
prenden sempre no lumpen
como a esca.
…………………………………………………………….
Moi bo día.
Hai moitas horas que o meu signo non chega.
A palabra na nube é deletérea.
………………………………………………………………………….
Paríronme elas.
Sinto dó delas.
Loito por elas.
………………………………………………………………………………….
Restarás dos nacidos que viven a conciencia,
todos os malnacidos,
só acaso dignos de purgar no túmulo.
(De Memoria do Corpo)
………………………………………………………………………………………….
Cando nacín, xa viña ulindo a terra.
Pariume a nai, coitada,
non ben pousou no chan un feixe de herba.
(De “Os Anos da Memoria”, 2007)
———————————————————————–
Queridas: Escoitade a Arrimadas
e decidide se pode ser votada.
………………………………………………………………………………………….
E canto mal
nace do contubernio
de trono e altar.
………………………………………………………………………………………….
Farás reconto sobre todo delas,
perpetuas subxugadas da deshumana especie,
caladas sufridoras do histórico martirio.
(De MEMORIA DO CORPO, 2018)
…………………………………………………………………………………………………………….
Os trinta mil quilómetros cadrados
que mide o meu país
valen por todo un mundo.