malleira atlántica

MAREA ATLÁNTICA: Oficina dos Dereitos, unha man tendida ás persoas en situación vulnerable.

Publicado el 19 octubre, 2020 | Noticias, Prensa

A Oficina dos Dereitos está financiada cos excentes salariais dos nosos cargos públicos

Ofrece asesoramento gratuíto a quen o precisa para defender os seus dereitos sociais e acceder a axudas das administracións públicas

Desde o verán estivo funcionado en fase de probas e resolveu 120 solicitudes. A partir de novembro ampliará horarios ante a crecente demanda

O acceso á vivenda, a falta de recursos económicos, a saturación dos servizos sociais ou a dificultade das xestións via telemática son os principais problemas que estamos a detectar.

A Marea Atlántica presenta a súa Oficina dos Dereitosunha iniciativa para ofrecerlle de balde asesoramento xurídico e administrativo ás persoas en situación de vulnerabilidade social. Finánciase co excedente salarial dos nosos cargos públicos, ao igual que outras iniciativas como a Xanela de Proxectos, e tras uns meses en fase de probas, comezará a funcionar a pleno rendemento en novembro. Xa atendeu 120 solicitudes, complementando o traballo que están a facer as institucións e as entidades do terceiro sector nesta materia.

Para solicitar a axuda da Oficina dos Dereitos, pode pedirse cita previa no correo dereitos@mareatlantica.org ou no teléfono 604 086 724. 

malleiraatlántica2

 

 

 

 

 

 

 

 

 

A voceira municipal da Marea Atlántica, María García, e o responsable da Oficina dos Dereitos, o educador social Rodrigo Gil, presentaron hoxe esta iniciativa que nace do compromiso da nosa organización coa xustiza social e a defensa dos dereitos, “algo que se demostra con feitos, non con retórica”, tal e como explicou García.

A nosa portavoz lembrou que “o PSOE subiu o soldo dos cargos políticos a inicios do mandato, pero na Marea Atlántica seguimos a cobrar dentro dos límites do noso Código Ético. O resto vai para financiar iniciativas sociais coma esta Oficina dos Dereitos, unha man tendida para que ninguén quede atrás na Coruña”. O obxectivo da oficina é asesorar, gratis, a persoas en situación vulnerable sobre os seus dereitos sociais e as prestacións ás que poden acceder desde as administracións públicas. Orientámolas, acompañámolas no proceso e proporcionamos o apoio necesario para que se empoderen. Atende a quen o precise, aínda que centra a súa actividade na cidade da Coruña e o seu Concello.

Pola súa banda, Rodrigo Gil sinalou que “estamos a detectar unha verdadeira necesidade de axuda. Exite un gran descoñecemento entre a poboación sobre as medidas sociais das institucións, sobre como solicitalas, ou o seu alcance… Moita xente que ten dereito a cobralas queda sen elas, e para que non pase iso nace esta Oficina”.

Esta iniciativa pretende canalizar as demandas cara os recursos públicos dispoñibles na Administración e nas entidades do terceiro sector que prestan un traballo fundamental dende hai moitos anos. O obxectivo é  que as axudas dispoñibles cheguen a quen as precisa. 

O acceso á vivenda e a falta de recursos, principais problemas.

As principais necesidades detectadas son a falta de recursos económicos e de acceso á vivenda, a saturación dos servizos sociais que se traduce en tempos de agarda demasiado longos. A fenda dixital é tamén un problema para moitas persoas, que se atopan sen recursos para desenvolverse na administración electrónica.

O educador social detalla que “a desigualdade era un problema xa desde a crise de 2008, e coa pandemia estase incrementando, pero hai amplos sectores sociais a quen non chegan as axudas. A Oficina dos Dereitos trata de actuar de inmediato nesta fenda, colaborando e asistindo a quen o requira nas axudas e servizos dispoñibles na nosa cidade”.

A partir de agora comezarase a traballar tamén para dar formación ás persoas que o soliciten e tecer redes entre quen teña necesidades e problemas comúns, para que poidan ter máis ferramentas coas que facer valer os seus dereitos.

“Damos estes paso porque son momentos críticos, porque temos enriba unha crise que só empeza a desenvolverse e os servizos sociais están desbordados, aínda que o goberno municipal o negue. Hai moita xente desamparada e sen a formación necesaria para facer valer os seus dereitos. E porque darlle voz a quen o precisa é unha das razóns de ser da Marea Atlántica”, concluíu María García.

 

 

¿Te gusta este artículo? ¡Compártelo!

Deja un comentario

Tu dirección de correo electrónico no será publicada. Los campos necesarios están marcados *