Isabel Risco e Superfurry Animals.

Fiquei de súpeto, coa forza do instantáneo, remexida, rara, espesa e mesta, mesmo conxelada, como cantan os Superfurry Animals ao principiar Zoom! Foi como se a súa enerxía positiva e alfúfara, que ficará sempre presente, quixera que o soubera! Esta marcha interestelar, que intento non sexa coartada, non me permitiu sabelo ata hai menos dunha hora, cando xa pasara máis dun día. Algo sentía, nada bo, unha descarga de electrodos, e na percura de información sen aparente conexión, nesta rede ciberespacial, que tanto apreciaba e tan bo uso lle daba, algo que tamén ficará, como outras millentas de cousas prodixiosas do seu legado; premín, como se algo que non poidese controlar ou fixar por min, para conhecer a triste nova! Non alcanzo a entender e aínda é cedo para aceptar! Malia todo o seu traballo, a súa esencia, o seu todo fica, ficará e sempre estará!