SINOPSE

A Princesa de Barcelona namorouse de Lelio, un home misterioso á cabeza do seu exército, pero temerosa de non cumprir co seu deber de casarse cun príncipe insta a Hortensia (amiga súa e confidente) a que investigue as orixes do seu amado e de paso lle insinúe os sentimentos que ten cara el para que este se anime a declararlle o seu amor. Hortensia sérvese de Arlequín (criado de Lelio) para as súas averiguacións e cando se atopa con Lelio para expresarlle os sentimentos da Princesa recoñece nel ao home que a salvara duns asaltadores e do que non puido esquecerse. O sentimento é mutuo. A partir dese momento Hortensia loitará en contra dos seus intereses para axudar á Princesa nunha unión que considera vantaxosa para todos, menos para o seu corazón. Doutra banda, o príncipe de Castela pediu a man da princesa de Barcelona par poder unir ambos reinos e así poder aliviar as tensións que durante anos manteñen estes dous reinos. Federico (cortesán ao servizo da princesa) quererá utilizar este conflito para trepar na corte e de paso quitar do medio a Lelio ao que considera o seu rival. Tamén Federico quererase servir de Arlequín para as súas maquinacións quedando este no medio de todos os conflitos, que irá resolvendo con inxenio, sentido do humor e ao lado da súa amante, Luisita, máis pícara que el se cabe. As intrigas e sobornos duns e doutros para conseguir os seus desexos ocultos, iranse desenvolvendo pouco a pouco nun brillante xogo escénico a ritmo de música de Zarzuela ata que as miradas de todos nos desvelen os seus verdadeiros sentimentos, que ao final son os que decidirán o desenlace.

FICHA ARTÍSTICA

AUTOR. P. MARIVAUX. VERSIÓN, COREOGRAFÍA E DIRECCIÓN. AMELIA OCHANDIANO. REPARTO. CRISTINA CASTAÑO, IKER LASTRA, REBECA VALLS, JACOBO DICENTA, JUAN GEA, BEATRIZ BERGAMÍN. ESCENOGRAFÍA. RICARDO SÁNCHEZ CUERDA. VESTIARIO. ROSA ENGEL, Mª LUISA ENGEL. ILUMINACIÓN.FELIPE RAMOS. PRODUCIÓN. TEATRO DE LA DANZA DE MADRID