Rubén Novo
-ERIS MACKENZIE (29 de setembro, Vintage & Coffe, 21.30 horas, entrada ceive).O novo proxecto de Caros Eirís (Lora) será o encaregado de abrir o lume cun recital no que amosora o seu efervescente estado creativo. Quixo il facelo nun lugar diferente e, por unha vez, imos saír das salas de concertos. Ofreceremos o recital nunha tenda de roupa. Alí gozaremos desta explosión musical concibida coma un ao vivo dj voz e unha produción en directo crebadiza e fragmentada na que hai sitio pra todo: pop, trap, merengue, rap e o que poidas imaxinar.
-LORA CRIMINAL PENGUINS (11 de outubro, A Disfrutona do Orzán, 6/8 euros). Lora, o dúo formado por Carlos Eirís e Alejandro Gesto, irrompeu a finais da pasada década coma unha refrescante mostra de pop desacomplexado. Unhas veces olla totalmente ao rap, outras ao pop-rock de guitarras dos 90. Acompanhounos especialmente durante a pandemia. “Lorazepam” (2020) é o seu último traballo, cheo de boas vibracións que no directo multiplícanse. Pedímoslles que se aponten ao ciclo. E faltoulles tempo pra dicir que si. Istarán acompanhados de Criminal Penguins, banda de punk que fan versións de temazos míticos.
-PAMELA RODRÍGUEZ (24 de novembro, La Disfrutona del Orzán, 8/10 euros). O grande descubrimento dos últimos tempos na Coruña e unha persoa moi querida por iste ciclo. Convidámola a estrear a resurreción dos concertos de Retroalimentación en xaneiro e fascinounos. Agora o seu proxecto evolucionou e cedo se plasmará en “Meigas”, o seu primeiro disco na España que presentará en exclusiva nos concertos de Retroalimentación. Pop atmosférico, brumeiro e arrebatadoramente belo. Pra iste directo contase cunha infinidade de colaboradores. Unha honra tela outra vez eiquí.
-HORMIGONERA (5 decembro, La Disfrutona del Orzán, 8 euros só na bilheteira). Moitos nomes míticos do rock crunhés danse cita nesta nova formación na que militan integrantes dos Eskizos, Viuda Gómez e Hijos e Lascivos, entre outros. Sen nada editado aínda, confiamos a cegas na súa aposta polo rock de sempre, ise que mestura escuridade e electricidade. Ise mesmo que nos fixo voar cos seus outros proxectos e que seguramente nos encandee de novo.
-HORMIGONERA (5 decembro, La Disfrutona del Orzán, 8 euros só na bilheteira). Moitos nomes míticos do rock crunhés danse cita nesta nova formación na que militan integrantes dos Eskizos, Viuda Gómez e Hijos e Lascivos, entre outros. Sen nada editado aínda, confiamos a cegas na súa aposta polo rock de sempre, ise que mestura escuridade e electricidade. Ise mesmo que nos fixo voar cos seus outros proxectos e que seguramente nos encandee de novo.
-CHICHARRÓN (16 de decembro, La Disfrutona del Orzán 6/8 euros). Unha das bandas máis queridas nos concertos de Retroalimentación. De feito, presentaron a maioría dos seus discos dentro diste ciclo. O seu último traballo é “O que nos queda por non dicir”, unha celebración da ledicia tras un par de entregas escuras marcadas pola morte. O grupo compónheno agora Mara Pérez, Rosalía Fernández Rial e Alberto Vecino, dando unha nova cor ao seu son.
* Vintage and Coffee está na rúa Xohana da Vega 4 e La Disfrutona del Orzán rúa do Bosco 5. Os bilhetes poderanse á venda cedo
Cartaz obra de Catuxa Alonso
Cartaz obra de Catuxa Alonso
Escrita por Javier Becerra.
Tradución ao galego ceive por Rubém Novo.
Foto cabeceira Pamela Rodríguez da man de María Simón.