Formulario de acceso protexido por Login Lockdown

Sábado, 20 de outubro, ás 12,30 horas

       No nº 24 da rúa Adelaida Muro

 

CONCENTRACIÓN

 

*CONTRA A POXA (SUBASTA) DUNHA PARCELA

DO MINISTERIO DE DEFENSA

 

*POLA DEVOLUCIÓN GRATUÍTA DO SOLAR AO PATRIMONIO DA CORUÑA PARA EQUIPAMENTO PÚBLICO E SERVIZOS SOCIAIS

O Ministerio de Defensa leva 35 anos facendo poxas e todo tipo de operacións especulativas, actuando como una auténtica inmobiliaria.
Desde 1984, que firmou un convenio co concello da Coruña,  presidido por Francisco Vázquez, ingresou xa 8.000 millones de pesetas (sobre 50 millóns de euros).
Hai que pararlles os pés! Por iso Defensa do Común convoca unha concentración este sábado, 20 de otubro, ás 12,30 horas, diante do solar de Defensa no nº 24 da rúa Adelaida Muro de A Coruña. Pretende ingresar 1,2 millones de euros a través dunha poxa. Queremos que Defensa devolva esa parcela ao patrimonio da Coruña para que sexa dedicada a equipamentos públicos e servizos sociais.
Adxunto a convocatoria e o texto de dúas das catro pancartas, que colocaremos na parede dese solar: unha explicando o gasto militar de España, é dicir, para que necesita diñeiro o Ministerio de Defensa; e outra informando que España é un dos principais exportadores de armas.

      Para que necesita diñeiro o Ministerio de Defensa?

     GASTO MILITAR DE ESPAÑA

31.631 millóns de euros desde o ano 2000 para os 19 Programas Especiais de Armamento

834 millóns, fragata F-105

1.809 millóns, 4 fragatas da serie F-100

11.718 millóns, 68 avións de combate EF-2000

2.212 millóns, 4 submarinos S-80 (800 millóns máis para modificacións porque no flotaban).

2.399 millóns, 239 carros de combate Leopard

2.643 millóns, 45 helicópteros NH-90

1.579 millóns, 24 helicópteros de combate Tigre

5.493 millóns de euros, 27 avións de transporte militar A400M

 

 ESPAÑA É UN DOS PRINCIPAIS EXPORTADORES DE ARMAS

De 2006 a 2016 España multiplicou por catro as súas vendas de armamento, que en 2015 chegaban a 10.076 millóns de euros.

De 1995 a 2015 España vendeu material bélico a Marrocos por importe de 250 millóns de euros, utilizado tamén na represión do pobo saharauí.

Desde a caída de Mubarak en Exipto, España vendeu armamento a ese país por importe de 120 millóns de euros, que foi utilizado polo exército para dar un golpe de Estado, con máis de 1.000 mortos e acabar cun goberno elixido nas urnas.

España multiplicou por 30 a venda de armas a Arabia Saudí, pasando de 46 millóns de euros no período 2006-2016 a 1.361  millóns no período 2013-2016.

Amnistía Internacional denunciaba a venda por España a Arabia Saudí de cinco corvetas por 2.000 millóns de euros e lembraba que este país vulnera sistematicamente os dereitos humanos e que eses barcos poderían ser utilizados na guerra de Iemen.