A Comuna é un proxecto de transformación e creación de comunidade situado na Verea do Polvorín, 35, no barrio de Monte Alto da Coruña.

Nacemento in Xullo de 2015

QUERES UNIRCHE AO PROXECTO ALTERNATIVO E COMUNITARIO DA COMUNA?

Ficha de colaboración A COMUNA

Preme na ligazom

https://docs.google.com/forms/d/e/1FAIpQLSfSPmnwiY4cmmQz9lslnJoT_Euq1QSdJg-TuxKZZj6PtcoLKw/viewform

QUE É A COMUNA?
A Comuna é un centro social, un proxecto de transformación e creación de comunidade, un espazo de encontro para a xente máis aló de lóxicas individualistas, homoxéneas e dirixidas.

Na Comuna entendemos que o cambio social constrúese dende abaixo, paseniño, dende a proximidade, a autonomía e a solidariedade.

A Comuna é a cara B da historia, o fío dunha memoria de rebeldía e liberdade.

QUEN SOMOS?
Un grupo de persoas diversas en idade, ideas, inquedanzas, emocións… coa forte convicción da necesidade de artellar outros xeitos de relación e construcción de vida.

Somos xente con experiencia en distintas loitas, na defensa do que é noso, do que é de todo o mundo!

QUE FAREMOS?
Queremos que a Comuna sexa un lugar de encontro e participación. Nela terán cabida todo tipo de actividades e proxectos para a dinamización da comunidade.

• Obradoiros (linguas, apoio educativo, cinema, saberes populares…)
• Memoria(s) do pobo
• Aprendizaxes (charlas, exposicións, meses temáticos…)
• Cineclube
• Ludoteca para as crianzas, participación infantil e xuvenil
• Espazo de lectura
• Xantador popular
• Obradoiro de Dereitos Sociais
… e milleiros de soños máis!

QUE NECESITAMOS?
Precisamos a participación e a colaboración económica de todas aquelas persoas interesadas en que este proxecto comece a vivir. Para poder alugar o local e facer fronte ós gastos dende a autonomía, buscamos o apoio de xente afín á nosa filosofía. Este proxecto non ten ánimo de lucro, pero soas non somos quen de acadar o mínimo para botar a camiñar.

A nosa idea é que as persoas que queiran ser socias colaboradoras aporten 50€ ó ano. Deste xeito, asegurámonos ter unha base de xente apoiando que crean coma nós na importancia de imaxinar espazos de creación colectiva.