Formulario de acceso protexido por Login Lockdown
Lost your password?

VERBAS DE ANA PONTÓN:

#Queremostren Saímos de Ferrol cara Coruña. Som 53 quilómetros que en tren levan mais de unha hora. Usar o tren na maioría de Galiza é misión imposíbel. Unha discriminación coa que temos que rematar!

 

 

 

 

 

 

 

 

 

BNG A Coruña

17 de Xaneiro ás 10:59 
Un tren “rápido”, o que fai o percorrido en menos tempo, sae de Ferrol ás 8.40 e chega á Coruña ás 9.54. Case 75 minutos para pouco máis de 50 quilómetros de camiños de ferro xa ben avanzado o século XXI! Unha vergoña? Pois é. Nese tren viñan Ana Pontón, Néstor Rego e Iván Rivas. Na estación de San Cristovo foron recibidos por Francisco Jorquera, Mercedes Queixas e un nutrido grupo de militantes e simpatizantes do BNG, na defensa dun tren digno para GZ. “O tren que nos une con Ferrol é de principios do século XIX, non desta altura do XXI”, denunciou Jorquera.
Ás 8.40 partiu de Ferrol o tren máis rápido daqueles que fan o traxecto que vai cara A Coruña. Chegou a San Cristovo ás 9.54. Case 75 minutos para cubrir apenas 50 quilómetros de vía férrea. Nel viaxaba a nosa portavoz nacional, Ana Pontón, acompañada polo noso deputado no Congreso Néstor Rego e polo voceiro do BNG no Concello de Ferrol, Iván Rivas. Foron recibidos na estación de San Cristovo por Francisco Jorquera, Mercedes Queixas e un nutrido grupo de militantes e simpatizantes do BNG.

“É para nós un pracer recibir as e os compañeiros de Ferrolterra nesta estación. Un pracer recibir Ana Pontón, Néstor Rego e Iván Rivas que veñen de facer esta viaxe coa intención de denunciar o estado de abandono dunha liña que ten características máis propias dos camiños de ferro de principios do século XX que das primeiras décadas do XXI”, dixo Francisco Jorquera nun breve encontro cos medios na propia plataforma da Estación de San Cristovo.

Estamos a falar dunha liña que foi inaugurada en 1913 e que desde aquela apenas experimentou melloras. “Nela”, denunciou o voceiro do BNG no Concello, “non se acometeron investimentos para a súa modernización e adaptación ás necesidades de hoxe”.

Xa desde o principio a liña foi debedora dun deseño centralista. Ou sexa, non foi concebida para conectar Ferrol coa Coruña, senón para achegar a cidade departamental á meseta castelá, en concreto a Palencia.

E un século despois continuamos nas mesmas. “Aínda hoxe os trens que fan o percorrido entre A Coruña e Ferrol”, relata Jorquera, “teñen que ter dous postos de condución, un en cada extremo, e teñen tamén que parar en Infesta e inverter o sentido da marcha, ben cara A Coruña ben cara Ferrol”.

 

 

 

 

 

 

A consecuencia é que a viaxe entre Ferrol e A Coruña dura no mellor dos casos unha hora e cuarto, tempo que impide que os camiños de ferro se constitúan en alternativa á autoestrada. “Isto, unido a uns horarios e frecuencias total e absolutamente inadecuados, fan que esta liña non axude a resolver os problemas de mobilidade dunha área, a do Golfo Ártabro, con máis de 600 mil habitantes”, engadiu.

E é unha mágoa porque cos investimentos precisos a liña entre Ferrol (desde Betanzos Infesta) e A Coruña ben podería servir para dotar a cidade e a comarca dun tren de proximidade. “Reparade que o tren pasa por Betanzos, Guísamo, Cecebre, A Barcala, O Burgo, Acea de Ama e Fonteculler. E que perfectamente podería adentrarse até o corazón da cidade a través do tendido ferroviario do porto”, indicoulle Jorquera aos medios.

En definitiva, concluíu, “non podemos perder o tren e é imprescindíbel investir na súa modernización, para vertebrar internamente o país e resolver as necesidades de mobilidade da área metropolitana da Coruña”.

 

 

 

 

 

 

 

 

 

 

 

COMENTAS FACEBOOK:

Elena Santín

E una tristeza. EU nacin en Monforte e recordó as cuatro horas de tren Coruña- Monforte. Agora pasaron cincuenta anos e sigue siendo o mesmo. Moi lamentable.

Fomos Nos

Pois cando apoiaste o presupostos nas anteriores lexislaturas da man do PSOE puido ser unha boa reinviticacion pero como sempre acordades tarde. Xa que ese problema do mal servizo en Galiza non é flor de hai un día.. Senón que vén dende o século pasado…

Xosemaria Rodriguez Cobelo

Fomos Nos , a ver rapáz , tí sabes o que estás falar ou qué tomas ??

 

 

Borxa GC

Fomos Nos A culpa é de quen cun representante (que votou este ano e o ano pasado contra os orzamentos) non pode lograr todo ou de quen leva gobernando anos tanto na Xunta coma no Estado? Si que é ridículo botar toda a responsabilidade sobre unha formac…
Borxa GC É moi revelador que recoñezan implicitamente que o único que pode facer algo é o BNG, eu voulles facer caso e votar BNG nas próximas para que teña grupo de 5-6 deputados.
Fomos Nos pois cando voltamos poñer o Señor Feijo no goberno tamen puídemos haber pensado nestas carencias que estamos a sufrir os galegos entre outras moitas claro,e decir sería ben que pensaremos que Galiza queremos cando depositamos o voto.🤷‍♀️
Aurita Mondelo non son militante pero levo dende o 85 votando o BNG. Seguirei a votalo aínda que para min isto do tren paréceme postureo, que lle presenten unha moción pola súa desidia e incompetencia a Feijoo, iso é o que teñen que facer. A política s…

 

 

 

 

CARTAZ DA MOBILIZACIÓN.

 

Queremos tren!

Un tren que sirva á inmensa maioría da sociedade como alternativa de mobilidade eficaz, cómoda, económica, sustentábel e de titularidade pública.

Para vertebrar o país, e non só para comunicar con Madrid.

No caso da Coruña, para vertebrar en chave metropolitana unha ampla comarca que vai máis alá de absurdas fronteiras administrativas e intereses localistas. A comezar por aqueles lugares onde xa temos as vías e a infraestrutura, antes de que as desmantelen ou as reduzan a unha simple peza de museo