Bloque Internacionalsta Galego polo Concello de Oleiros, na praia de Santa Cristina.

Un proxecto que, malia tanto bombo e nota de prensa, de momento non pasou de ser unhas simples infografías que calquera podería facer manexando un programa informático. Tras varios meses de anuncios non hai nada cun mínimo de rigor nin tampouco o máis mínimo interese en contar cos concellos directamente afectados (entre eles o de Oleiros). Non se chegou nin a falar con outras administracións directamente afectadas (ADIF, polas Xubias pasa o tren).

Un proxecto, se o podemos chamar así, sobre unha zona paisaxística e ambientalmente moi sensíbel, abondo degradada e agredida durante as últimas décadas, e que ao mesmo tempo estamos falando de rexenerar. Rexeneración, por certo, sobre a que ao longo dos últimos 20 anos se foi construíndo un moi amplo consenso social nos concellos da comarca, materializado, por exemplo, na chamada Mesa da Ría. Un proceso que tería sido imposíbel sen a mobilización incansábel da Plataforma en Defensa da Ría do Burgo. A Xunta de Galiza non contou para nada nin coa Mesa nin coa sociedade organizada.

A comarca da Coruña ten un grave problema de mobilidade que aquí en Oleiros coñecemos moi ben porque millares de veciñas e veciños temos que padecelo a diario, usemos o vehículo privado ou o transporte colectivo. De verdade que unha pasarela sobre a ría é a mellor solución para mellorar a mobilidade que nos pode ofrecer o goberno galego do Partido Popular?