Formulario de acceso protexido por Login Lockdown

O venres, 10 de setembro, a cantautora coruñesa Astrogirl publicará un novo sinxelo en plataformas dixitais, na compaña dun videoclip que se estreará na canle oficial de YouTube doa artista.

A canción, titulada ,“Ángeles durmientes” é o segundo adianto do seu novo LP “Portales” que sairá o venres 24 de setembro. “Portales” é un disco conceptual concibido coma unha viaxe chamánica no que cada unha das dez cancións que o compoñen representa unha parada nesa viaxe, coa súa propia idiosincrasia.

“Ángeles durmientes” é o quinto tema do disco e quizais a canción coa tendencia “indie” máis marcada en toda a súa discografía. Un sinxelo impresionante, moi bailabel á vez elegante, dirixido maxistralmente por unha liña de baixo preponderante e unha batería ao estilo Kraut que conducen a un coro aberto e exuberante de luz e espazo.

O seu tema xira arredor da vaidade, sinala co dedo e fala directamente co oínte, facéndolle cuestionar canta verdade hai detrás da máscara e do disfrace que pon tódolos días pra saír á rúa.
Aínda que musicalmente a canción pareze máis lixeira e achegada ao comercial do que acostuma facer Astrogirl, as letras son escuras e comprometidas, comoaxa é habitual nela.

O videoclip, ideado por ela mesma, faise como unha parodia arredor do culto á imaxe e a obsesión pola aparencia que caracteriza á sociedade consumista e autocompracente na que vivimos.

A data de hoxe Astrogirl ten tres obras autoeditadas: “Cosmos inside” (EP, 2018), “TORO” (LP, 2019) e “Salve Serpiente” (sinxelo, 2020). “Portales” será o cuarto. Deste último, o primeiro sinxelo Criaturas del desierto xa foi publicado en todas as plataformas dixitais, co seu correspondente videoclip en YouTube.
Toro, como “Portales”, foi producido por Guille Mostaza (produtor de Los Planetas, Nacho Vegas, La bien querida, Fangoria, They …)

“Salve Serpiente” é unha colaboración co cantautor asturiano Nacho Vegas e o seu lanzamento supuxo unha importante apertura pra Astrogirl ao mercado nacional e latinoamericano.

 

Astrogirl – Teaser 2 “Ángeles durmientes”

Videoclipe musical enteiro o 10/09/2021

https://www.facebook.com/astrogirlmusic 

VERBAS DE ASTROGIRL:

💚Hoxe quero presentarvos a imaxe que acompaña ao novo sinxelo “Ángeles durmientes”.
🎨Deseñouse, coma toda a arte do álbum, @agustinashuan, o artista que escollín pra iste traballo.
Agustina non só é unha artista moi inspiradora e inspiradora, tamén ten ese sexto senso que é necesario pra traducir en imaxes o mundo simbólico e arquetípico do universo Astrogirl.
💙Non podo estar máis leda co traballo que estás a facer en “Portales”.
✨ É ou non é unha marabilla?
🌵A canción, xunto co seu videoclipe, estará no mundo iste venres. Que emoción!

 

 

 

 

 

 

 

 

 

 

 

O 24 DE SETEMBRO O DISCO ENTEIRO.