Formulario de acceso protexido por Login Lockdown


A Revista Galega de Teatro convértese en erregueté

O acto terá lugar o xoves 17 de novembro ás 20.30 horas

na Sala Ártika de Vigo

A Revista Galega de Teatro saca á rúa o seu número 87 e faino estreando deseño, nome e equipo. O acto de presentación do novo número terá lugar o xoves 17 de novembro ás 20.30 horas na Sala Ártika de Vigo.

O evento contará coa intervención do novo equipo de dirección, formado por Vanesa Sotelo (Directora), Manuel Xestoso (Subdirector) e Roberto Pascual (Secretario), xunto coa presenza de Antón Lamapereira, Presidente do Consello Editorial da publicación, e do Deputado Provincial de Cultura, Xosé Leal.

A creadora María Roja completa o programa da presentación coa performance “Facerse a morta no medio do corredor” e O Leo interpretará temas do espectáculo “Berlin”.

Ao finalizar, servirase un viño para brindar pola ocasión.

A Revista Galega de Teatro estrea equipo, deseño e nome sen renunciar á esencia dun proxecto que naceu hai máis de trinta anos. Así, a RGT transformada en erregueté mantén as súas seccións habituais recuperando a sección de Banda Deseñada con “A Pataca Quente de Rubina Kenéve” e incorporando un novo espazo de creación baixo o nome de “Ruxerruxe”. Dedicado á Dramaturxia Galega, entre os contidos destacados deste número 87 atópanse a entrevista co director teatral Oskaras Korsunovas e a edición en galego de A obediencia da muller do pastor, de Sergio Martínez Vila, gañador do XL Premi Born de Teatre.

A RGT é unha publicación trimestral dedicada á difusión das artes escénicas e está editada pola Asociación Cultural Entre Bambalinas.

Contacto:

revistagalegateatro@hotmail.com

Vanesa Sotelo (651 143 776)

Apdo. Correos 210 – 36940 CANGAS DO MORRAZO (Pontevedra)
Web: www.revistagalegateatro.com
  Magazine de Crítica da RGT: http://rgtcritica.wordpress.com/
Facebook: www.facebook.com/people/Rgt-Galega-Teatro/100000989058585
E. Mail: revistagalegateatro@hotmail.com
Tfno.: 651 143 776